Një prej futbollistëve më të kërkuar në botë, u martua me dashurinë e tij të fëmijërisë, ditën e premte, në një ceremoni të shkëlqyer argjentinase..
Më shumë se 250 miq dhe familje duke përfshirë edhe disa prej emrave më të mëdhenj të futbollit fluturuan drejt Argjentinës, për të parë yllin, 30 – vjeçar, që u martua me Antonella Roccuzzo, 29 vjeç, në kompleksin e hotelit.
Çifti, të cilët e njohin njëri-tjetrin prej rreth 25 vjetësh, ndaluan të ftuarit të merrnin telefonat celularë në këtë ceremoni. Stafi u betua për të ruajtur sekretin dhe 450 punonjës policie u thirrën për ditën e madhe.
Në ceremoninë madhështore të dasmës ishin shumë të pranishëm edhe futbollistë, të tillë, si Neymar, Luis Suarez, Cesc Fabregas, por edhe ish-lojtar si Carles Puyol.
Messi dhe Antonella i bënë zotimet e dasmës me djalin e madh Thiago, të ulur pranë. Pasi çifti u shpall burrë dhe grua, Messi, i veshur me një kostum blu Armani, puthi nusen e tij para se të përkëdhelte flokët e Thiagos.
Messi dhe Antonella janë prindër të dy fëmijëve, Thiago Messi, Mateo Messi.
*Shfleto galerinë
