Mami të ka gënjyer kur të ka thënë se pickohesh nga mushkonjat se ke “gjakun e ëmbël”. Edhe pse nuk është fiks kështu, diçka ka te ata që mushkonjat i zgjedhin mes të tjerëve.
Sipas një studimi nga Shkollën e Higjienës dhe Mjekësisë Tropikale të Londrës, gjenet në trupin e njeriut përcaktojnë mundësinë për t’u pickuar nga mushkonjat.
Nëse jeni një “magnet” për mushkonja, fajin mund t’ua lini gjeneve tuaja. Shkencëtarët kanë gjetur prova të qarta se gjenet e njerëzve përcaktojnë sesa tërheqëse është era e trupit të tyre për insektet thumbuese.
Gjetjet sugjerojnë se era e trupit ndikon në shanset për t’u sulmuar nga mushkonjat. Njerëzit të cilët nuk pickohen nga mushkonjat u bë e ditur se prodhojnë një ilaç natyral kundër insekteve, për të qenë të mbrojtur ndaj tyre.
Studimi i ri gjeti se binjakët identikë ishin më të ngjashëm në aktivitetin e tyre me mushkonjat, sesa të tjerët. Përderisa binjakët identikë ndajnë gjenet e njëjta dhe binjakët joidentikë jo, shkencëtarët ishin në gjendje të zbulojnë se mushkonjat dëbohen gjenetikisht.
Mushkonjat femra janë më të njohura për të shfaqur një preferencë të çuditshme për njerëzit e caktuar kur kërkojnë gjak. Gratë shtatzëna janë më tërheqëse ndaj mushkonjave, sesa ato të cilat nuk janë shtatzënë. Dhe njerëzit më të shëndoshë janë gjithashtu më tërheqës për mushkonjat se ata më të dobët.
Shpresa është të identifikohen gjene të caktuara që mund të prodhojnë kimikate të cilat largojnë mushkonjat.
Burimi: The Independent
