Reperi Gjiko dhe moderatorja Elita Rudi, shumë shpejt do të kurorëzojnë dashurinë e tyre.
Të paktën kështu shprehen mediat kosovare, të cilat shkruajnë se çifti ka caktuar tashmë edhe datën e dasmës, që mendohet se do të jetë shumë afër, këtë verë.
Ende nuk kemi një konfirmim zyrtar nga reperi dhe prezantuesja e “Elite Zone”, por postimet e fundit të Elitës na bëjnë të dyshojmë shumë. Ajo ka publikuar foto me fustan nusërie, që duket që po i provon në sallone të ndryshme të Prishtinës.
Mbase është herët për të folur, megjithatë mediat e kanë interpretuar këtë veprim si përgatitjet e para për ceremoninë, e cila siç e dinë të gjitha vajzat, fillon nga zgjedhja e fustanit. E duke parë se këtë verë pritet të martohen Bes Kallaku dhe Xhensila, Getoari e Marina, le të themi që do të jetë një verë dasmash për VIP-at.
