Elvana Gjata sapo ka publikuar këngën dhe klipin e saj të ri për realizimin e të cilës ka bashkëpunuar me emra të njohur, producentin Poo Beer (producent i Justin Bieber) si dhe Dj e njohur David Guetta.
Por “Forever is over”, nuk është mirëpritur mirë nga të gjithë. Janë disa nga fansat e dyshes së dikurshme Flori-Elvana, që nuk mësohen ende me idenë se këngëtarët nuk janë më bashkë.
Madje nuk kanë ngurruar t’ia shprehin këtë Elvanës edhe në koment në postimet e saj duke bërë tag Florin. Ashtu siç ka bërë komentuesja në fjalë e cila është ndjerë e zhgënjyer nga veprimi i këngëtares, e cila e ka fshirë menjëherë komentin.
“Pse e hoqe komentin tim? Se thashë kush t’i ka bërë këngët më të bukura dhe i bëra tag Florit. Mund të mos flasësh me të, por unë nuk të thashë që ti nuk ke sukses edhe te kjo këngë e re. Përkundrazi, të urova”, shkruan ajo.
Nëse disa nga fansat po shpresonin ende për një rikthim mes Florit dhe Elvanës, ky veprim i kësaj të fundit tregon gjithçka. /Intv/
