Aktorja me origjinë shqiptare, Eliza Dushku, ka publikuar një foto me një mashkull të kapur prej dore, duke i bërë të gjithë fansat konfuzë.
“Po, absolutisht dashuria ime”, shkruan ajo duke në bërë të mendojmë se i ka thënë “po” propozimit të tij.
Pas kësaj fotoje, në profilin e artistes kanë shpërthyer komentet:
“Dasmë? Po ne as nuk e kemi ditur që ka të dashur?”, “Jam konfuze, kush është fatlumi?”, “Është babai yt në foto?”, “Më shpjegoni kush është ky?”
Por ka edhe të tjerë që duket se dinë më shumë për aktoren dhe i urojnë asaj mirëseardhjen në ‘familjen armene.’
Ndërsa të tjerë, guxojnë edhe me emrin e partnerit: Peter Palandijan??
Burime për “Washington Daily News”, kanë pohuar se aktorja e njohur e roleve në ‘Dollhouse’, ‘Buffy the Vampire Slayer’ apo ‘True Lies’, ka zhvilluar një ceremoni private për të celebruar lidhjen e gjatë të dashurisë.
