“Muzika e mirë Elvana, por anglishtja s’të shkon hiç”. Komente të tilla kanë vërshyer në profilin e këngëtares në “Instagram”, pas publikimit të klipit të ri ndërkombëtar, “Forever is over”.
Fansat nuk e kanë pritur mirë tekstin në anglisht dhe as përshtatjen nga Elvana dhe e kanë kritikuar atë për këtë detaj.
Projekti i shumëpritur është i gjithi në anglisht dhe një bashkëpunim me producentin e njohur të Justin Bieber, Poo Bear dhe DJ e njohur David Guetta. Por përpos urimeve të shumta, kishte edhe kritika dhe ato bazoheshin pikërisht te anglishtja.
Fansat dhe ndjekësit e kanë kritikuar 30-vjeçaren për theksin në anglisht i cili sipas tyre lë shumë për të dëshiruar.
“Puno me theksin e anglishtes. Për mua është shumë e bezdisshme mënyra si e shqipton”, shkruan dikush.
“Elvana qëndro në gjuhën shqipe, aty je më mirë. Në anglisht po e humb talentin “, i thotë dikush tjetër.
