Deputetja e Partisë Demokratike, Jorida Tabaku, po përjeton për herë të parë emocionet e mëmësisë, pasi solli në jetë binjaket.
Lajmi i ardhjes në jetë të dy binjakeve të saj, është bërë i ditur nga familjarët të cilët pohuan gjithashtu se të treja gëzojnë shëndet të plotë!
Emrat që ka zgjedhur Jorida me bashkëshortin, profesorin e ekonomisë, Saimir Sallakun, për vajzat e saj të porsalindura, janë Arba dhe Iris.
Jorida, në të gjitha daljet e saj të fundit publike, tregonte se me sa gëzim ishte duke e pritur çastin që e ka lumturuar dje. Me gëzimin e çiftit janë bashkuar edhe shumë miq e të afërm të tyre.
Sipas kërkimeve të “iconstyle.al”, emri Iris vjen nga greqishtja dhe do të thotë shumëngjyrëshe. Ndërsa emri Arba është me origjinë 100% shqiptare dhe lidhet me fisin ilir (Arba, Arbër).
