Zjarri që përfshiu kullën Grenfell në Latimer Road në Londër, ka shokuar të gjithë botën.
Këngëtarja me origjinë shqiptare Rita Ora ka shprehur dëshirën për të kontribuar me sa ka mundësi, kjo sepse ngjarja ka ndodhur në lagjen e saj.
“Kjo është lagjia ime, nuk mund ta besoj që po ndodh. Lutjet e mia janë me të gjithë të përfshirët, zemra po më rreh kaq fort. Dikur luaja në atë lagje. Dua të bëj gjithçka mundem për të ndihmuar,” shkruan Ora.
Popstarja 25-vjeçare vizitoi Kullën Grenfell në më pak se 24 orë pas zjarrit të tmerrshëm që ndodhi i cili ka lënë së paku 12 të vdekur dhe 50 të pagjetur.
Rita dhe miqtë e saj u bashkuan me banorët lokalë dhe vullnetarët e tjerë për të furnizuar banorët me ujë dhe gjëra ushqimore.
Ylli i popit u pa teksa ndihmonte banorët, duke mbajtur shishe të rënda uji dhe duke përzgjedhur nëpër thasë të mbushura me rroba.
Rita gjithashtu postoi një video në “Snapchat”, duke inkurajuar të gjithë që të bënin të njëjtën gjë.
“Ju lutemi të vini dhe të ndihmoni nëse mundeni”, ka thënë Rita.
