15 maj
Koncert
“Tre Musketieret”
Ora 20:00
“3 Musketieret e rock-ut shqiptar janë bërë bashkë dhe më 15 maj do të jenë në Pallatin e Kongreseve. Aleksandër Gjoka, Elton Deda dhe Redon Makashi do të rikthehen me hitet e tyre më të mira në vite, por edhe me shumë elementë të rinj në një koncert recital, për të gjithë adhuruesit e muzikës së tyre ku mund t’i shijojnë live në Pallatin e Kongreseve.
15 maj
Ekspozitë
Tirana në Rrugëtim – Virginie Caquot – Çelja, ditën e hënë 15 maj ora 18:00 (ekspozita do të qëndrojë e hapur nga 15 deri më 31 maj)
Ekspozita e Znj. Virginie Caquot organizohet në kujdesin e Z. Rezart Jasa, koordinator i marrëveshjes “Les temps forts entre l’Albanie et la France”, në kuadër të shkëmbimeve kulturore Francë-Shqipëri. Ekspozita mbështetet nga Ambasada Franceze në Shqipëri, Ambasada Shqiptare në Francë dhe Qendra për Hapje dhe Dialog COD pranë Kryeministrisë së Shqipërisë.
Tek Qendra për Hapje dhe Dialog COD, Kryeministria
Bulevardi “Dëshmorët e Kombit”,
Nga hyrja e administratës, Rruga “Ismail Qemali”, përballë Hotel Rogner.
18 maj
Panair
Edicioni VIII
Work & Study 2017
Work & Study vjen sërish këtë vit në një dimension të ri dhe të konsoliduar. Bashkia e Tiranës dhe Ministria e Arsimit dhe Sportit mbeten partnerët tanë të përhershëm në zhvillimin e këtij eventi të rëndësishëm. Edhe këtë vit ju ftojmë të bëheni pjesë e këtij bashkëpunimi të frytshëm nga datat 18-19-20 maj 2017 në Pallatin e Kongreseve.
Pse
WORK & STUDY
një markë e kthyer në traditë, është një rrugë e nisur në vitin 2010,
e ku vit pas viti ka përmirësuar treguesit e saj në drejtim të të punësuarve dhe bursave profesionale të studimit. E nisur si një dëshirë për të sjellë ndryshimin në përshtatjen e kërkesës me ofertën, tashmë është kthyer në një institucion dhe domosdoshmëri për përshtatjen e burimeve njerëzore. Çdo vit në mënyrë progresive janë rritur kërkesat e kompanive dhe cilësia e punëdhënies. Ky event solli në vitin e parë të nisjes së tij 500 vende të reja pune e 400 bursa studimi, e në vitin 2016 shifrat u trefishuan, duke pasur një numër më të madh sipërmarrësish dhe më shumë se 1 500 vende pune.
Në këtë edicion, Work & Study synon të hedhë një strategji të re në tregun e punës dhe të studimit. Të dëshmojë rrugën se si brezi i ri sot, të jetë nesër sipërmarrësi i së ardhmes. Për këtë qëllim gjatë ditëve të panairit do të jenë lektorë me përvojë në fushën e zhvillimit profesional dhe ekonomik që do të përcjellin eksperiencat e tyre dhe orientimin drejt tregut.
Një vëmendje e veçantë do t’i kushtohet orientimit të të gjithë kërkesës së studimit drejt Universiteteve Shqiptare.
Në këtë panair përveç ekspozimeve të Enteve dhe Kompanive më të mëdha Punëdhënësish dhe ato të Edukimit Kombëtar dhe Ndërkombëtar, do të ketë dhe aktivitete informuese dhe trajnuese
Ftohen të marrin pjesë të gjithë ata:
1- Që kërkojnë të punësojnë njerëz në profesione që mungojnë sot në treg, si hidraulik, elektricist, automekanik, rrobaqepës, parukierë, estetistë apo guida tours etj.
2- Punëdhënësit e interesuar për të patur mundësinë e rekrutimit të punonjësve të kualifikuar në sajë të ofertës më të mirë referuar nga universitetet tona.
3- Punëmarrësit e interesuar për të marrë informacion rreth vendeve të reja të punës dhe të njihen me tregun e punës.
4- Institucionet Arsimore për të ekspozuar ofertat e tyre më të mira.
5- Organizatat dhe Entet që ndihmojnë në krijimin dhe mbarëvajtjen e kompanive në Shqipëri.
6- Të sapodiplomuarit e arsimit profesional do t’ju ofrohet intership një muaj në kompanitë pjesëmarrëse etj.
Duke e vlerësuar këtë event si një pikë ku sipërmarrja takohet me kërkesën për punë, ku universitetet kanë mundësi të shpalosin ofertat e tyre për të përshtatur kërkesën e tregut me formimin profesional, Ju ftojmë të bëheni pjesë e tij
******************************************
Dhoma e Tregtisë dhe Industrisë Tiranë
Rruga “Kavajes”, Nr. 6, Tiranë, Shqipëri
Tel: +355 (0) 45 800 936
Cel: +355 0696076888 / +355 0682092858
E-mail: panairi-ws@cci.al
Website: www.cci.al
