Një koleksion i ri këpucësh të punuara nga gratë e mbijetuara nga lufta në Kosovë, është nxjerrë në shitje për qëllime bamirësie.
Brendi britanik “L.K.Bennett” dhe “Women for Women International” kanë sjellë së fundi koleksionin e këpucëve #heartandsole (zemër dhe shputë) të qëndisura nga gratë e Kosovës.
Fitimi nga ky koleksion do t’i dedikohet fuqizimit të grave që mbijetojnë nga lufta, kurse rrobat e LK Bennett, ndër tjera, i vesh edhe bashkëshortja e Princit britanik William, Kate Middleton.
Këpucët e dizajnuara nga gratë e Kosovës i ka mbathur së fundi aktorja e famshme britanike Helen Mirren, e cila përpos që ka mbështetur këtë iniciativë, ajo edhe ka lavdëruar dizajnin e punuar nga gratë e Kosovës.
