Pak pas mesnat, është shënuar për fat të keq edhe viktima e 20 nga koronavirusi në vendin tonë.
Një 80-vjeçare e identifikuar me koronavirus pak orë para se të ndërronte jetë, nuk ia ka dalë të mposhtë virusin vdekjeprurës.
“News24” bën me dije se viktima kishte disa sëmundje të tjera bashkëshoqëruese si, diabeti dhe tensioni.
E moshuara ndërroi jetë në spitalin e Shkodrës pa patur mundësi të dërgohej në Tiranë.
Aktualisht në Shkodër janë konfirmuar 33 raste me koronavirus dhe në këtë mënyrë numri po rritet ndjeshëm.
Ditën e djeshme u shënuan edhe dy viktima të tjera në vendin.
Një u konfirmua që në orët e para të ditës, ndërsa viktima e dytë një 84-vjeçare nga Tirana ndërroi jetë rreth orës 23:00.
