50 shqiptarë prej ditësh në doganën e Kapshticës: Mes tyre edhe të sëmurë e fëmijë

Mbyllja e kufijve si pjesë e masave për kufizimin e përhapjes së koronavirusit ka shkaktuar probleme për shumë shqiptarë që kanë mbetur jashtë Shqipërisë.

Prej më shumë se 20 ditësh, 50 emigrantë shqiptarë vijojnë të presin në doganën e Kapshticës dhe mes tyre ka gra, të moshuar dhe të sëmurë, të cilët po qëndrojnë jashtë në temperatura të ulëta shkruan Dosja.al.

Lexo edhe :

Blero dhe Eronita bëhen prindër për herë të parë

08:21 31/05/26

E rëndë në Gjermani/ Autobusi me qytetarë nga Kosova përplaset me kamionin, 30 të lënduar

Parashikimi i motit për ditën e sotme, si do të jenë temperaturat?

07:49 31/05/26

Ata pretendojnë se nuk janë rezidentë në Greqi dhe se kanë shkuar atje për arsye nga më të ndryshme dhe duan që të rikthehen në banesat e tyre.

Disa ditë më parë presidenti Ilir Meta kërkoi që ky problem të zgjidhej sa më parë, kurse kryeministri Edi Rama është shprehur i prerë se asnjë shqiptar i mbetur jashtë kufirit nuk do të riatdhesohet pasi është një mbartës potencial i koronavirusit.

Një tjetër shqetësim i emigrantëve është edhe fakti se mund të dënohen me gjobë pasi kanë kaluar afatin 90 ditor të qëndrimit.

Ndonëse kryeministri Rama është shprehur se asnjë emigrant në Greqi nuk do penalizohet me gjobë, por disa prej qytetarëve që kanë kaluar kufirin janë detyruar që të paguajnë 1200 euro./gazetareforma