Në Shkodër numri i të infektuarve po rritet ndjeshëm dhe gjithçka në qytet nisi nga një ceremoni mortore.
Pas 33 rasteve të konfirmuar nga Ministria e Shëndetësisë, “Dosja.al” bën me dije se në këtë qytet janë identifikuar edhe 4 raste të reja me koronavirus.
Burimi thotë se të infektuarit janë të moshave relativisht të reja dhe janë në gjendje të mirë shëndetësore.
Gjithashtu bëhet me dije se dhe rastet e reja janë nga lagja Kiras dhe Dobraç dhe janë të afërm me njëri-tjetrin.
Kështu, ka shkuar në 37 numri i të prekurve në këtë qark, duke u renditur i dyti më i prekur pas Tiranës.
Në Shkodër është shënuar edhe viktima e parë nga Koronavirusi, dhe bëhet fjalë për një 80-vjeçare.
Në këtë mënyrë numri i të vdekurve në vendin tonë ka shkuar në 20.
