Reperi Fero është bërë përsëri pjesë e kronikave kësaj here për një arsye aspak të mirë. Në rrjet është bërë virale një video e reperit teksa gjuan me grushta një person tjetër i cili ndodhej brenda në makinë.
Akoma nuk dihet identiteti i personit tjetër apo motivet e këtij sherri dhe nëse janë ngritur akuza penale ndaj reperit.
View this post on Instagram
Tashmë nuk habitemi aspak kur dëgjojmë raste sherresh dhe grushtash mes reperave. Vetëm para një muaji ishte rasti mes Noizyt dhe Cllevios, të cilët u përfshinë në një sherr në hyrje të lokalit të Noizyt në Durrës. Dhe pas daljes së Cllevios nga burgu ditën e djeshme në orët e para të mëngjesit janë rikthyer sharjet dhe akuzat. Noizy e akuzon reperin se është pedofil dhe se ka abuzuar me një 13-vjecare.
Gjithnjë e më shumë reperat po vendosin standarte të gabuara, duke promovuar dhunë dhe gjuhë ofenduese në rrjete sociale. Ky është mesazhi që duan të përcjellim tek audienca ku shumica janë të rinj dhe adoleshentë?
Kjo nuk është hera e parë që Fero bëhet pjesë e ngjarjeve të tilla të shëmtuara. Pak kohë më parë ai ka provokuar me postimet në rrjetet sociale duke përmendur madje emrat e personave me të cilët ka ‘diss’.
Fero ka bërë tag reperin Unikkatil, Mozzikun dhe Getinjon, duke i ofenduar rëndë në postimin e tij. Mes fjalëve të tij, reperi i ri kërkon t’i tregojë tre djemve si bëhet rep i mirë dhe i shpejtë, pa pasur nevojë të presë me vite.