Këngëtarja Rona Nishliu i dha fund beqarisë ditën e djeshme duke kurorëzuar me martesë lidhjen me partnerin e saj. Rona ishte siguruar që dasma të ishte sa më private dhe të organizohej në fshehtësi të plotë.
Mirëpo një foto e postuar prej grimierit të saj, ku Rona shfaqej nuse i zbuloi sekretin.
Ndërkohë që Rona nuk ka zbuluar asnjë detaj nga dasma e saj, dhe ende nuk ka publikuar asnjë foto në rrjetet sociale, kanë qenë miqtë ata që kanë zbuluar disa pamje.
Stilistja Flutura Dedinja ka postuar në profilin e saj në Instagram disa momente nga ceremonia e dasmës së Rona Nishliut. Ajo shfaqet e lumtur krah bashkëshortit të saj, teksa pret tortën dhe janë të rrethuar nga miqtë e tyre.
Megjithëse Rona ka pasur një lidhje shumë vjeçare me partnerin e saj, mbi të nuk dihet asnjë detaj, vetëm që ai është nga Tirana.
