Tuna dhe Patrisi e kanë shndërruar datën 2 të çdo muaji në një festë të vërtetë. Nuk kishte se si të ndodhte ndryshe, ardhja në jetë e Tian i ka zbukuruar jetën.
Dje çifti ka festuar 6 mujorin e Tian dhe mami Tuna ka nxituar të publikojë foto të të ëmblit të saj.
“Kaloi një gjysmë viti nga jeta jote. Të të shihje të rriteshe dhe të ndryshoje ka qenë eksperienca më e bukur e jetës sime. Ia ka vlejtur çdo natë pa gjumë. Qofsh gjithmonë djali aventurier, kureshtar e i qeshur që je edhe sot”, – shkruan Tuna.
Fotot Tian i ka realizuar me një instrument muzikor. Me sa duket, babi është i vendosur për profesionin e tij, ndaj ka nisur nga puna duke e çuar si fillim në orkestër. E nisim nga bateria. Më vonë, ndoshta kalon edhe nga mikrofoni, si mami.
