iconstyle.al > Celebrity > Teksa vijojnë kërkimet për të dashurën e tij, Flori zbulon emrin e vajzës dhe tregon kur do martohet

Teksa vijojnë kërkimet për të dashurën e tij, Flori zbulon emrin e vajzës dhe tregon kur do martohet

Që prej përfundimit të lidhjes së tij (të pakonfirmuar) me këngëtaren Elvana Gjata, jeta sentimentale e kantautorit Flori Mumajesi është shndërruar në një enigmë të vërtetë.

Prej më shumë se një viti ai është zhvendosur në Prishtinë ku përflitet të ketë një lidhje me moderatoren Liberta Spahiu, megjithatë, asnjëri prej tyre nuk ka folur kurrë për këtë çështje, për të cilën asgjë nuk dihet me siguri.

Mirëpo, Flori herë pas here nuk ngurron të ngacmojë ndjekësit në rrjetet sociale në lidhje me këtë temë, siç ishte rasti i fundit kur të gjithë menduan se ai ishte fejuar, por në fakt bëhej fjalë vetëm për një reklamë.

Së fundmi, kantautori ka publikuar një seri postimesh në Instagram, ku ndër të tjera flët për dikë që e quan “grua”, për emrin e vajzës, për arsyen përse nuk martohet si dhe i bën një dedikim romantik partneres, ndërkohë që të gjitha këto, të thëna hera-herës me humor, kanë bërë lëmsh ndjekësit e tij.

“Grus time: E kam gjet emrin e vajzës. Shota!”-shkruhet në postimin e parë të Mumajesit.

“Mami: Martohu! Unë: Kismet kur të mbarojë Vetingu.”-vijon më tej ai me humor, por për t’u kthyer më pas në një romantik të vërtetë me një dedikim për vajzën që i ka vjedhur zemrën.

“Unë: I joti bashkë me gabimet. I keq në verë dhe në dimër, i gjithi kështu si jam, ama të dua prej vërteti.”-shkruan Flori.

Por romanticiteti mbaron këtu pasi në postimin e radhës, rikthehet me humor. “Ajo: Ku je? Me kë je? Pse nuk përgjigjesh kur të shkruaj? Të pash online! Unë: Seen nuk e pash!”

Dhe me kaq, kantautori i njohur ka thelluar më tej misterin e jetës së tij sentimentale.

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.