Shawn Mendes është një artist shumë i dashur dhe shumë i njohur. Ai së fundmi ka publikuar një njoftim në rrjetin social Instagram, ku bën me dije se do të anulojë pjesën tjetër të turneut.
Ai ka bërë me dije se turneun e nisi me emocione por më pas cdo gjë rrodhi ndryshe.
“Siç e dini djema, më duhej të shtyja javët e fundit të shfaqjeve pasi nuk isha plotësisht i përgatitur për koston që do të më merrte të kthehesha në skenë…E nisa këtë turne i emocionuar që më në fund të kthehesha në performanca live pas një pauze të gjatë për shkak të pandemisë, por realiteti është se nuk isha aspak gati për sa i vështirë do të ishte turneu pas kësaj kohe larg.”- shkruan këngëtari i njohur.
Më tej, Mendes premton se do të rikthehet sërish sa të shërohet.
“…Unë premtoj se do të kthehem sapo të kem marrë kohën e duhur për t’u shëruar,” theksoi ai. “Ju dua të gjithëve dhe ju falënderoj shumë që më keni mbështetur dhe qëndruar pranë meje në këtë rrugëtim.”
Këngëtari ka theksuar se shumë mund të mërziten me Mendes mirëpo ai ka nevojë për pak pushim.
“Kam frikë se nëse njerëzit e dinë dhe shohin të vërtetën, ata mund të mendojnë më pak për mua,” shkroi ai në internet. “Ata mund të mërziten nga unë. kështu që në ato momente kur ndihem keq”.