Publikohet ‘trailer’-i i pjesës së tretë të filmit “365 Days”, zbulohet data e lançimit

Ndodh jo shpesh që filmat të kalojnë çdo pritshmëri si të fansave por dhe të stafit krijues dhe fenomeni “365 Days” ishte një ndër to. Thrilleri erotik menjëherë sapo u publikua theu rekordet e shikueshmërisë ne platformën “Netfix” dhe u pëlqye tepër nga publiku.

Filmi mbështetet në romanin e autores Blanka Lipinska me të njëjtin titull dhe na sjell vazhdimin e historisë së çiftit Massimo(Michele Morrone) dhe Laurës(Anna-Maria Sieklucka).

Mirëpo, së fundmi është publikuar dhe traileri i “The Next 365 days”.

Epo tashmë imagjinata juaj do ngacmohet akoma edhe më tepër nga seria e radhës. Laura u qëllua me armë në fundin e pjesës së dytë duke mos ditur askush për fatin e saj.

Mirëpo ajo është rikthyer!

Në këtë seri të tretë të filmit situatat do të jenë edhe më të trazuara. Treshja Massimo- Laura-Nacho do jenë në qendër të vëmendjes.

Por kur do të publikohet filmi? Mësohet se “The Next 365 Days” do të shfaqet në “Netflix” më 19 gusht. A jeni gati?

Kujtojmë se filmi i parë nuk u prit aspak mirë nga kritikët duke dhënë vlerësime nga më të ulëtat por ishte publiku ai që garantoi suksesin absolut.

Filmi i parë tregoi historinë e një gruaje të re të quajtur Laura e cila është e burgosur nga një mafioz sicilian i quajtur Massimo për 365 ditë, me qëllimin që ajo të dashurohet me të.

Sipas People, “365 Days” pati një sukses të menjëhershëm pas publikimit të tij në vitin 2020, duke u ngjitur në top 10-she në 90 vende të botës dhe ishte filmi më i shikuar në platformë pas debutimit të tij.