Rozana Radi gjithmonë ka qënë shumë e rezervuar në media për jetën e saj private. Por pak kohë më parë, u bë publike historia e saj e dashurisë 4-vjeçare me Shpëtimin, oficerin gjyqësor në Prokurorinë e Tiranës. E ftuar në emisionin “Në kurthin e Piter Pan”, Rozana u pyet sesi nisi historia e saj e dashurisë.
“Një mbrëmje ishim në një local. Edhe atij i kishte humbur çelësi dhe nisi ta kërkonte. Aq shumë po e kërkonte sa erdhi poshtë tavolinës sime ta kërkonte. Dhe e pyeta- ‘Çfarë po kërkon?’.
‘Çelësin’- më tha.
Dhe si përfundim ai nuk e gjeti çelësin e vet, kështu që i dhashë çelësin e shtëpisë sime” – tregoi Rozana Radi.
E pyetur nëse së shpejti do të kemi dasmën, Rozana u përgjigj: “Këto plane kemi, po nuk e di të shohim”.
Rozana Radi shprehu dëshirën edhe për tu bërë nënë sa më parë.
“Para apo mbrapa martesës, vetëm të bëjmë një fëmijë” – përfundoi Rozana.
