Pete Davidson nuk ka dashur të surprizojë vetëm të dashurën e tij për ditën e Shën Valentinit, por edhe një nga motrat e saj.
Khloe Kardashian, motra më e vogël e Kim-it, postoi në Instastory disa lule mahnitëse që mori për festën e Shën Valentinit.
Pete kishte dërguar për në shtëpinë e saj, një buqetë rozë. Khloe gjeti kohë për ta falënderuar atë në Instagram duke thënë:
“Më i ëmbli! Faleminderit Pete“.
Pete së fundmi pati mundësinë të kalonte pak kohë me Khloe. Motra e Kim-it mori pjesë në regjistrimin e “SNL”, madje duke u shfaqur në disa skica, përpara romancës tashmë të Kim dhe Pete.
Muajin e kaluar, Khloe gjithashtu iu bashkua çiftit dhe disa miqve për një shëtitje argëtuese.
Khloe e kaloi ditën e saj të Shën Valentinit si beqare, e rrethuar nga dashuria e anëtarëve të familjes dhe vajzës së saj 3-vjeçare, True Thompson.
Përveç luleve nga Pete, ajo mori edhe një buqetë shumëngjyrëshe nga mbesa e saj, Penelope Disick.
“Ajo është vajza më e ëmbël në botë”, tha Khloe për vajzën e Kourtney Kardashian dhe Scott Disick.
Kylie Jenner dhe i dashuri i saj, Travis Scott, dërguan gjithashtu tëndafila të paketuar në formën e një zemre.
