Mozzik është një nga reperat më të njohur në trevat shqiptare sidomos nga moshat e reja. Përveç kësaj ai ka qenë në qendër të vëmendjes dhe për shkak të marrëdhënies së tij me Loredanën. Edhe pas ndarjeve dhe ribashkimeve të shumta, gjithmonë ja kanë dalë të jenë pjesë e jetës së njëri-tjetrit për hir të Hanës. Reperi i ka bërë lëmsh të gjithë me fotot që ka postuar së fundmi. Ai na ka treguar një dhomë të mbushur me petale trëndafilash dhe fansat menjëherë nisë aludimet se reperi është në një lidhje të re.
Ai e nisi verën me një synim mjaft të qartë se kjo verë nuk do ta gjente beqar. Pak më para Mozzik u shpreh se planet nuk kanë ecur sipas parashikimeve dhe se është akoma single. Mesa duket tashmë reperi e paska realizuar qëllimin e tij, të paktën në bazë të fotove.
Ndërkohë nga ana tjetër gjatë një interviste për mediat e huaja, Loredana u pyet për raportin e saj aktual me Mozzik dhe përgjigjet e dhëna ishin tejet të drejtpërdrejta ku reperja u shpreh se nuk ka më kontakte me të.
Menjëherë pas publikim të intervistës ka ardhur dhe reagimi i Mozzik. Me anë të një postimi në Instastory, reperi ka hedhur një kunjë që duket se i është drejtuar Loredanës.
“Kush shkel mbi thërrimet e bukës, e vret buka gjithmonë”, ka shkruar Mozzik.