Festivali i “Këngës Magjike” i dha në fund të tij një shije të keqe jo vetëm pjesëmarrësve, por edhe spektatorëve. Incidenti mes dy këngëtarëve Nesti Duka, i njohur si Stine dhe Flori Mumajesit, tërhoqi vëmendjen edhe nga fituesja e këtij spektakli, Aurela Gaçe.
Ishte Stine ai i cili qëlloi me sende të forta Florin, që u dëmtua në kokë dhe u dërgua për ndihmë në spital. Më pas reperi që nisi incidentin u largua, duke u ndaluar nga policia vetëm një ditë më pas.
E gjithë situata u shkaktua për shkak të pikë që këngëtarët dhanë për njëri-tjetrin për të shpallur fituesin e spektaklit. Flori mësohet se e cilësoi ngjarjen si një “xhelozi profesionale”. Stine e vlerësoi me 26 pikë Mumajesin, por ky i fundit e vlerësoi vetëm me dy pikë.
Dëshmia e Florit në polici zbardhet nga “Opinion.al”, i cili mësohet të ketë thënë se ai u sulmua nga Stine në dalje të “Pallatit të Kongreseve”, duke e goditur me grushte dhe një gotë qelqi. “Më pas kur u rrëzova në tokë godita dhe kokën, në pjesën e pasme”, rrëfeu Flori. Këngëtari raportohet që është shprehur se incidenti ndodhi për shkaqe banale.
Ndërsa këngëtarja Alida Duka, motra e Stines, reagoi pë
r shoqërimin dhe lirimin e tij më pas nga policia. Në postimin e saj në “Facebook”, Alida shkruan se liria e tij është drejtësi, ndërsa thekson se janë njerëz që duan paqe.
“Vëllai im sapo doli i pafajshëm, sepse ky është realiteti. Ne e kemi ndërtuar gjithçka kemi me forcat tona, pa intriga dhe dallavere dhe kështu do të jetë gjithmonë dhe shumë më mirë na ka dalë, jemi njerëz që duam paqe dhe nuk durojmë padrejtësi. Ju falënderoj të gjithëve kudo që jeni për suportin tuaj, që treguat në këto momente”, shkruan Alida.
