Pas kritikave të shumta, Rita Ora detyrohet të kërkojë falje: “Më vjen shumë keq!”

Rita Ora ka kërkuar falje për kritikat e përhapura rreth këngës së saj të fundit “Girls” për shkak të tematikës që trajton.

Ora publikoi ​​”Girls”, bashkë me Cardi B, Charli XCX dhe Bebe Rexha javën e kaluar dhe kënga diskuton temat e biseksualitetit.

Ndërkohë që disa e vlerësuan këngën si një himn biseksual, të tjerët theksuan problematikat dhe stereotipet e çuditshme që përmend teksti.

Ndërsa kërkoi falje për mesazhin e këngës, këngëtarja doli edhe si biseksuale. Në shënimin e postuar në llogarinë e saj në Twitter,Rita shkroi se e vetmja gjë që kishte bërë në këngë ishte tregimi i eksperiencave personale, pasi kishte pasur marrëdhënie me femra dhe meshkuj.

“Përshëndetje të gjithëve, Girls’ është shkruar për të treguar të vërtetën time dhe është një përvojë e vërtetë dhe e sinqertë e jetës sime. Unë kam pasur marrëdhënie romantike me gratë dhe burrat dhe perspektiva e këngës është udhëtimi im personal” – ka shkruar  Rita.

“Më vjen keq nëse mënyra ime  e të shprehurit në këngë ka lënduar dikë. S’do të lëndoja kurrë qëllimisht dikë që i përket komunitetit LGBTI apo ndonjë tjetër. Shpresoj që arti im do t’i frymëzojë fansat të ndihen krenarë për veten ashtu si edhe unë. Faleminderit fansave të mi që po më mësojnë ta dua veten sido që jam.Jam përpjekur të kontribuoj në komunitetin LGBTI përgjatë gjithë karrierës time dhe gjithmonë do ta bëj” – ka shtuar më tej këngëtarja.