Këngëtarët Mimoza Shkodra dhe Seldi Qalliu pak ditë më parë kurorëzuan dashurinë e tyre me një fejesë në një ambient privat me shumë të ftuar. Menjëherë pas fejesës çifti na surprizoi me një duet, që mesa duket i është kushtuar dashurisë së tyre.
Ndërkohë, puna për këngën dhe klipin e ri kishte nisur prej kohësh. Seldi dhe Mimoza, gjatë muajve të nxehtë të verës punuan edhe me projektet muzikore, ndër të cilat edhe për këngën e re që sapo kanë publikuar në bashkëpunim me njëri-tjetrin.
“Dashni” është një këngë ritmike që u shkon zërave të të dyve. Klipi, gjithashtu i punuar me kujdes, sjell edhe skena sensuale të çiftit në momente intime.
Kjo është një këngë me tekst të Petro Xhori-t dhe muzikë të Irkenc Hykës. Seldi dhe Mimoza kanë paralajmëruar se do të vijnë fuqishëm në tregun muzikor edhe me këngë të reja solo , të cilat do të publikohen gjatë muajve të ardhshëm.
