Psikologia dhe folësja e lajmeve, Jeta Toçila ka lidhur kurorë me ish-deputetin e Partisë Socialiste, Taulant Dedeja.
Taulanti dhe Jeta kanë qenë të martuar më parë, por prej disa vitesh i kanë prishur martesat përkatëse, nga të cilat kanë edhe fëmijë.
Ndërsa për bashkëshorten e ish-deputetit nuk dihen detaje, ish-bashkëshorti i psikologes është një figurë e njohur për publikun shqiptar, pikërisht gazetari Armir Shkurti. Ata kanë qenë të martuar për disa vite, martesë nga e cila kanë edhe një djalë.
Pas martesës çifti Jeta-Taulant do të zhvendosen në Kanada, atje ku prej vitesh jeton ish-deputeti.
Dy personazhet janë njohur para 17 vitesh, në kohën kur Jeta ishte gazetare dhe Taulanti prefekt i Tiranës. Ata janë ritakuar në kohën kur të dy kishin zgjidhur martesat përkatëse. Lidhja e tyre filloi të bëhej gradualisht publike nga Taulanti, i cili në muajin shtator postoi një foto me Jetën në “Facebook”, e cila tashmë ka pranuar të marrë mbiemrin e ish-deputetit.
