Këngëtarja shqiptare Rona Nishliu i dha fund beqarisë ditën e shtunë duke kurorëzuar me martesë lidhjen e saj me partnerin shumëvjeçar, Fiori.
Një dasmë sekrete, të cilën arritëm ta merrnim vesh vetëm nëpërmjet një fotoje që qarkulloi në rrjetet sociale nga grimierja e saj.
Ndërsa ditën e djeshme ishte stilistja Flutura Dedinja, ajo që publikoi disa foto në Instagram nga ceremonia e dasmës së Ronës.
Ndërkohë që ende këngëtarja nuk ka publikuar asnjë foto nga dasma e saj, nëpërmjet disa postimeve në Instastory ajo na ka treguar se ka nisur muajin e mjaltit.
Rona dhe Fiori kanë zgjedhur ishullin “Isola Bella” të Italisë për të kaluar muajin e tyre të mjaltit. Një ndër destinacionet turistike më përrallore, i cili adhurohet nga të gjithë.
Nëpërmjet postimeve në Instastory Rona na ka treguar edhe pamjet e para nga ambienti ku po qëndrojnë.
