Këtë sezon të ri televiziv, emisioni i mëngjesit në “Report TV”, “Rreze Dielli”, duket se do të vijë me ndryshime në staf.
Pas largimit të moderatores Erjona Rusi nga drejtimi i emisionit, një tjetër gazetare mësohet se do të zërë vendin e saj përkrah moderatorit Alban Musa.
Bëhet fjalë për gazetaren Suada Daci e cila pas një eksperience 12-vjeçare në botën e medias, tashmë do të marrë për herë të parë rolin e moderatores së një emisioni televiziv.
Lajmin e ka konfirmuar vetë ajo për “Shqiptarj.com”, ku është shprehur: “Do të bëj më të mirën përkrah Albanit dhe zonjës Vjollca. Shije të mirë gatimi, lajmet më të fundit dhe ekskluzive nga personazhet e njohur shqiptarë dhe plot argëtim.”
Këtë ndryshim duket se e ka mirëpritur edhe kolegu i saj Alban Musa i cili është shprehur se me ndihmën e Suadës, do ta ketë edhe më të thjehstë të zbërthejë të pathënat e personazheve të famshëm.
