Pas 10 vitesh mungesë, këngëtarja shqiptare Linda Halimi po rikthehet sërish në “Këngën Magjike”, siç ka njoftuar në llogarinë e saj në Instagram.
Ajo ka ndarë një foto nga prapaskenat e spektaklit, teksa i fton të gjithë ta ndjekin më 4 prill, ndërkohë që na bëri kuriozë për projektin e saj.
Në nëntor të vitit 2019, Linda hoqi dorë nga “Kënga Magjike” pasi i duhej të kthehej në Amerikë tek vajza e porsalindur.
Ajo la Amerikën për pak kohë dhe solli në këtë festival këngën “Want my love”. Kënga u prit mjaft mirë nga publiku dhe Linda goditi me performancën që dhuroi në skenë.
E veshur me gold dhe e shoqëruar nga një trupë baleti, Linda i solli publikut atë që i kishte munguar prej vitesh nga artistja.
Ndonëse ajo ishte shumë entuziaste diçka ka ndodhur dhe këngëtarja ka vendosur të largohet.
E kontaktuar nga “Iconstyle.al” Linda ka konfirmuar lajmin dhe ka treguar arsyen përse mori këtë vendim.
Ajo u shpreh se vajza e vogël dhe rruga e largët e kanë detyruar të heqë dorë.
“Rruga e gjatë, kam gocën e vogël. E mora me shumë qejf, por s’mund të vij këtë vit. Rëndësi ka që kënga ime u lançua dhe u kënaqa shumë kur isha javën e kaluar”, shprehet Linda.
