Offset nuk po mësohet dot me mungesën e Takeoff dhe Cardi B sapo na tregoi se është ‘zemërthyer’

Cardi B është një repere shumë e dashur. Së fundmi, ajo po përpiqet që të bëjë të lumtur burrin e saj, Offset pas ndarjes nga jeta të Takeoff.

“Ne po e jetojmë jetën tonë normalisht, por thellë brenda zemrave tona ka qenë kaq e rëndë”, ka thënë më herët ajo për “The Neighborhood Talk”.

“Ne nuk duam asnjë simpati”, vazhdoi Cardi. “Jam ndjerë kaq e pashpresë duke u përpjekur ta bëj të lumtur burrin tim, duke u përpjekur ta bëj atë të buzëqeshë”.

Madje, reperja tha se zemra e saj është ‘thyer’ teksa shikonte burrin e saj duke qarë.

Offset ende nuk është mësuar me mungesën e Takeoff.

Reperi 30-vjeçar, emri i vërtetë i të cilit është Kiari Kendrell Cephus, e ka kujtuar kushëririn njëkohësisht dhe shokun e tij të ndjerë me anë të një postimi në Instagram.

Krahas një imazhi ku duket anëtari i ndjerë i grupit “Migos”, Offset shkruan: “Më mungon gjithçka nga ti, sidomos ajo buzëqeshje.”

Më 1 nëntor, Takeoff -emri i vërtetë i të cilit ishte Kirsnick Khari Ball, u qëllua për vdekje në një rrugicë në Houston pas një grindje.

Pas vdekjes, një ceremoni në nder të tij u mbajt në Atlanta ku morën pjesë familjarë, pjesëtarët e tjerë të grupit “Migos” dhe miq të tjerë të reperit.

Disa ditë pas funeralit të mbushur me yje, Offset ndau dhimbjen në mediat sociale duke thënë se “zemra e tij është copëtuar” dhe dhimbja është “e padurueshme”.

“Unë kam shkuar të fle dhe të zgjohem duke shpresuar se e gjithë kjo është një ëndërr, por është realitet dhe realiteti ndihet si një makth”, shkroi reperi i “Bad and Boujee” në Instagram.

- Advertisement -