Britney Spears është ylli i muzikës pop i viteve ‘90, e cila gjithmonë konsiderohet si ikonë.
Por ajo ka patur shumë pasiguri për veten e saj, madje dhe komplekse që mundohej gjatë gjithë kohës t’i luftonte.
Jo më larg se dje, Britney ka ndarë me të gjithë ndjekësit në Instagram ndjesitë e saj duke folur hapur.
Gjithçka nisi nga baluket e saj, e cila shpjegoi se nuk donte të ekspozonte ballin e saj se nuk i dukej i bukur.
Madje ajo ka vazhduar duke thënë që ndihej e shëmtuar.
“Nuk kisha më baluke që nga klasa e tretë dhe më kujtohet si sot…Ka qenë diçka shumë e madhe për mua të ekspozoj ballin. Vetëm njerëzit e bukur në jug e bënin këtë dhe unë s’jam ndjerë ndonjëherë e tillë, prandaj s’isha e gatshme ta zbuloja. Kisha dhëmbë të shëmtuar dhe ndihesha si rosaku i shëmtuar. Mbaj mend që kam bërë një takim në një agjensi modelesh, por s’ndihesha fare e lezetshme, prandaj shkova në shtëpi dhe i thashë: “Ndoshta mund të bëhem dhe unë si vajzat e mëdha dhe të zbuloj ballin…Kështu bëra, por dukesha një tmerr edhe pse asokohe më pëlqente vetja. Ndoshta thellë thellë e dija që s’ngjaja bukur, por mendova të kundërtën meqë dukesha “cool”, ka treguar Britney Spears.
Ndjekësit e saj janë habitur nga ky rrëfim i këngëtares, të cilën e kanë mbështetur duke i kujtuar që “Ti je Britney Spears, në rregull?”
Para 3 ditësh albumi “Oops I Did it Again” shënoi plot 20 vite që nga momenti i lançimit dhe deri më tani ka shitur plot 20 milion kopje. Ndërkohë që është vlerësuar me çmime të ndryshme nga industria e muzikës dhe ende dëgjohet sot me shumë nostalgji.
