Ditën e djeshme, mediat raportuan se një person ishte gjetur i vdekur në banesën e tij në lagjen “Emshir” të qytetit të Gjilanit.
Shumë shpejt u mësua se bëhet fjalë për muzikantin Lind Ibrahimi.
Emri i plotë i tij është Arlind Ibrahimi, baterist i njohur 32-vjeçar nga qyteti i Gjilanit.
Sipas raportimeve nga vendi i ngjarjes, ai është gjetur pa asnjë shenjë jete në një banesë në lagjen Kalabria (ish-Emshir).
Deri në këto momente nuk është bërë i ditur me saktësi asnjë shkak i vdekjes së muzikantit.
Edhe pse nuk ka qenë shumë i njohur për publikun shqiptar, Arlindi ka mbaruar studimet për muzikë në qytetin e tij të lindjes, Gjilan.
Krahas paraqitjeve nëpër mbrëmje të ndryshme muzikore live, Lindi së fundmi ka qenë i angazhuar edhe në televizionin “ATV LIVE”.
Ndërkohë, për vdekjen e Ibrahimit kanë qenë të shumta komentet e reagimet nga miqtë e të afërmit në rrjete sociale.
Teksa nuk janë dhanë shumë detaje për rastin, ndarja nga jeta e Lindit në një moshë kaq të re vetëm 32 vjeç i ka tronditur të gjithë.
Mes komenteve të shumta ka qenë edhe ai i këngëtares Linda Halimi, e cila Lindin e ka pasur djalin e tezes.
Si duket edhe nga reagimet e saj në Instastory Linda shfaqet tejet e mërzitur pasi ka ndarë dhe një ndër bisedat e fundit me Lindin.
