Komediani i njohur Gilbert Gottfried ka ndërruar jetë ditën e sotme.
Lajmin e hidhur e kanë bërë të ditur vetë familjarët e tij me anë të një postimi në “Twitter”-in personal të Gilbert-it.
“Ne jemi zemërthyer për të njoftuar vdekjen e të dashurit tonë Gilbert Gottfried pas një sëmundje të gjatë. Përveçse ishte zëri më ikonë në komedi, Gilbert ishte një bashkëshort, vëlla, mik i mrekullueshëm dhe babai i dy fëmijëve të tij të vegjël. Edhe pse sot është një ditë e trishtuar për të gjithë ne, ju lutemi vazhdoni të qeshni sa më fort për nder të Gilbertit.“
— Gilbert Gottfried (@RealGilbert) April 12, 2022
Përfaqësuesi i Gilbert, Glenn Schwartz, tha se ai vdiq nga një anomali në zemër e quajtur “Takikardi ventrikulare” për shkak të “Distrofisë Miotonike” të tipit II.
Gilbert-i njihet për karrierën e tij si komedian. Në vitet ’70, ai ka qenë anëtar i kastit në “Saturday Night Live” dhe më pas u bë figurë shumë publike në “The Cosby Show” në vitet ’80.
Gilbert është një personazh i shquar në “Beverly Hills Cop II” ku ai luante menaxherin e biznesit Sidney Bernstein.
Natyrisht, Gilbert gjithashtu ka bërë edhe shumë zëra të personazheve të animuar, si Iago në “Aladdin” dhe të Aflac Duck.
