Një incident e ka shoqëruar koncertin e fundit të reperit të njohur shqiptar, Ledri Vula.
Teksa ai ishte duke performuar njëri prej fansave ka hedhur një cigare në drejtim të tij. Pikërisht ky veprim dashakeqës ka nxitur reagimin e ashpër të reperit.
Ledri i inatosur nga veprimi i fansit të tij, në nerva e sipër ka tentuar që ta rrahë atë.
Ky moment është fiksuar nga kamerat amatore të fansave të cilët ishin të pranishëm në koncert dhe tashmë po bën xhiron e rrjetit.
Ndërkohë komentuesit tashmë kanë filluar të gjykojnë nëse reagimi i Ledrit ishte i duhuri apo jo. Të shumtë janë ata që e dënojnë gjestin e personit që hodhi cigaren dhe justifikojnë reagimin e Ledrit, por jo të paktë janë edhe ata të cilët e konsiderojnë të nxituar reagimin e reperit.
