Ylli i telenovelave turke, Asli Enver i ka dhënë fund beqarisë. Aktorja e njohur u martua me biznesmenin Berkin Gökbudak, me të cilin është bashkë prej rreth gjashtë muajsh. Ata i thanë “Po” njëri-tjetrit në një ceremoni të thjeshtë martesore me familjarët më të afërt të tyre.
Lajmin e ka bërë të ditur vetë aktorja përmes një postimi në rrjete sociale. Teksa ka ndarë disa foto nga dasma, ajo ka shkruar thjesht: “Po”. Kujtojmë që Asli ka qenë e martuar me Birkan Sokullu me të cilin u nda pas tre vitesh. Ajo ka qenë mjaft e komentuar dhe për lidhjen me këngëtarin Murat Boz.
Asli ka luajtur në shumë seriale turke por për shqiptarët njihet më së shumti me rolin te “Nusja nga Stambolli”, ku interpreton krah aktorit Ozcan Deniz. Enver nuk është vetëm një aktore e shkëlqyer, por edhe një këngëtare me zë të mrekullueshëm . Që në moshë të vogel ajo ka konkuruar në një kompeticion muzikor në Londer ku edhe ka dalë fituese
Ajo kishte rolin e saj të parë të vogël në “Uzay sitkomu”. Më vonë, ajo mori pjesë në serinë televizive “Hayat Bilgisi” dhe luajti personazhin kryesor “Mine Ergun” në serialin “Kavak Yelleri” për pesë sezone. Ajo ka luajtur edhe në filma si “Tamam mıyız?” dhe “Kardeşim Benim” dhe luajti në seriale televizive si “Suskunlar”, “Kayıp”, “Bana Artık Hicran De”, “Mutlu Ol Yeter” dhe “Kış Güneşi.“
