Selena Gomez prezantoi për herë të parë “Saturday Night Live”, dhe gjatë monologut të saj, përveçse bëri shaka për statusin e saj në lidhje, ajo bëri një imitim për Miley Cyrus.
Pas spektaklit, këngëtarja 29-vjeçare vuri në provë aftësitë e saj “DIY” dhe krijoi një bluzë me shkronja të zeza, “Hell yeah I’m Miley Cyrus”.
Cropi i bërë me porosi të Cyrus vjen pas paraqitjes së Gomez në shfaqjen e komedisë. “Është bukur të jesh rreth dy legjendave të SNL. Kur kuptova se do prezantoja, kërkova menjëherë këshillën e tyre, “tha Gomez, duke iu referuar aktorëve të “Only Murders in the Building”, Steve Martin dhe Martin Short.
Selena tha se mori këshilla nga Martin dhe Short, por ajo gjithashtu kërkoi këshilla dhe nga “shoqja e saj më e vjetër, Miley Cyrus”. “Vetëm ji vetvetja dhe argëtohu”, tha Gomez duke imituar zërin e Cyrus.
Selena gjithashtu bëri shaka se si SNL është një vend i mrekullueshëm për të gjetur dashurinë dhe më pas renditi disa nga marrëdhëniet e suksesshme të shfaqjes.
“Një arsye pse jam e lumtur që prezantoj SNL është se jam beqare,” tha Gomez ndërsa turma brohoriste.
“Dhe kam dëgjuar se SNL është një vend i mrekullueshëm për të gjetur romancën e duhur”.
“Emma Stone takoi burrin e saj këtu. Scarlett Johansson dhe Colin Jost. Pete – dhe Machine Gun Kelly. Meqenëse nuk dua të provoj aplikacionet e takimeve, thjesht dua ta lajmëroj universin se po manifestoj dashurinë. Do të doja të them se jam duke kërkuar për shpirtin tim binjak, por në këtë pikë që kanë arritur, unë do të isha e lumtur me këdo”, tha Selena.
