Sofi i dha emocionet e para të mëmësisë blogeres Irena Kita. Të ftuara në televizionin “Klan” në një bisedë me gazetaren Rudina Magjistari, Irena rrëfen sesi ka ndryshuar rrënjësisht jeta e saj, që prej momentit të parë që Sofi erdhi në jetë.
“Jeta ime ka ndryshuar 360 gradë. Janë emocione që është e kotë t’i them, se duhet të bëhesh nënë për të provuar ndjesinë. Unë kam kuptuar që më parë jam lumturuar gati kot, sepse lumturia e vërtetë është kur bëhesh nënë. Që kur kam marrë vesh se do bëhesha nënë, filluan emocionet. Kam patur një shtatzëni jo shumë të lehtë. Lindja ishte natyrale dhe zgjodha vetë të ishte ashtu.”, tregon Irena.
Ardhja në jetë e Sofi, ishte suprizë për mami Irenën pasi e priste të ishte djalë.
“Kur e kam marë për herë të parë në duar më kanë rrjedhur lotët nga gëzimi. Unë e kam ushqyer me gji vajzën 1 vit e gjysmë dhe do inkurajoja të gjitha nënat ta bëjnë këtë sepse është një dhuratë që mund t’iu bëjmë fëmijëve të tyre. Deri në momentin që bëra analizën morfologjike në muajin e shtatë e dija që ishte djalë. Pasi bëra analizën doktori më tha se është vajzë”, tregoi Kita pa e fshehur emocionin dhe lidhjen e veçantë me të bijën.
