‘Nuk arrij ta kuptoj kur një mashkull po flirton me mua’. Kështu u shpreh gazetarja Mira Kazhani, në një intervistë për jetën e saj private me Rudina Magjistarin në televizionin Klan.
“Nuk arrij dot ta kuptoj, madje më ka ndodhur një herë që me një shoqen time, tërë kohës unë i flisja atij djalit, sepse kujtoja se ai po ‘gjuante’ atë. Më në fund nuk rezultoi ashtu, ai dukej që kishte një lloj simpatie për mua. Dhe unë i them kësaj shoqes sime: ‘e tmerrshme, po unë kam bërë një figurë pak të çuditshme sepse unë i flisja me idenë që ju të afroheshit’. Nuk është se e kuptoj shumë”, tha Mira Kazhani.
E pyetur nëse së shpejti do të kemi dasmë, Kazhani tha se nëse do të gjejë personin e duhur dhe do të binte në dashuri, do të ishte mëse gati për të ndryshuar këtë status.
“Martesa ka qenë plan që 20 vjeç, kështu që unë gjithmonë kam menduar, e kam ëndërruar dhe e kam pritur atë momentin. Tani kohët e fundit, të them të drejtën jam tërhequr disi. Nuk është se p.sh. e mendoj atë dasmën, vellon, fustanin… Nëse do ta gjej dashurinë, bashkë me njeriun e duhur, se dashurinë e kam gjetur… Njeriu nuk është se nuk e gjen dashurinë, por ndonjëherë janë rrethanat të vështira, edhe pse mund të jetë njeriu i duhur. Kështu që nëse do të vijë diçka dhe të gjitha do të puqen bashkë, do ta bëj. Nuk jam radikale, nuk them që unë nuk dua t’ia di për martesën. Mendoj që familja është e mrekullueshme” tha Mira.
