Këngëtari i njohur, Machine Gun Kelly është baba i një vajze adoleshente.
Këngëtari 32 vjeç, festoi ditëlindjen e 13-të të vajzës së tij Casie, ku i bëri një dedikim mjaft emocionues së bijës.
“Gëzuar ditëlindjen e 13-të, dashuria ime”, shkroi Kelly, emri i vërtetë i së cilës është Colson Baker, përmes Instagram Stories, duke e quajtur veten një “baba krenar”.
Casie puthi babanë e saj, ndërsa ai mbante një tortë ku lexonte, “O Zot i Madh, ti je një adoleshente”.
Këngëtari i “Emo Girl” mirëpriti vajzën e tij me ish të dashurën Emma Cannon në korrik 2009.
Ai e quajti të bijën si “shoqen e tij më të mirë”.
Adoleshentja Casie foli me dashuri për babanë e saj në dokumentarin e tij të qershorit, “Life is Pink”, por pranoi se Kelly është një prind i zënë, i cili është “i varur” nga karriera e tij.
“Ai është gjithmonë duke punuar,” tha ajo. “Edhe pse ndaloi së droguari, ai bëhet i varur për të bërë gjëra të tjera. Ai është i varur nga pirja e duhanit dhe i varur nga puna.”
“Kur jam me vajzën time, asgjë tjetër nuk ka rëndësi,” tha muzikanti i njohur, Machine Gun Kelly në një intervistë të vitit 2015.