Vetëm pak ditë më parë burime për “iconstyle.al” zbuluan se moderatorja Luana Vjollca do të vijë së shpejti për publikun shqiptar me një projekt gjigand në ekranin e “Top Channel’.
Luanës i është besuar prezantimi i spektaklit “Big Brother VIP”, i cili vjen për herë të parë për publikun shqiptar dhe pritet që të jetë një ndër emisionet më të ndjekura në ekranet tona.
Nëpërmjet postimeve të saj në Instagram Luana na ka treguar se tashmë ka nisur edhe puna për realizimin e këtij projekti gjigand.
Madje ditën e sotme ajo ka publikuar një foto ku shfaqet në zyrë dhe me një veshje shumë ndryshe nga ajo që jemi mësuar ta shikojë zakonisht.
“Punë, punë, punë!!! Së shpejti…”, shkruan Luana krahas fotos.
Zakonisht Luanën jemi mësuar ta shohim të veshur tepër thjesht, ndërsa sot moderatorja simpatike ka zgjedhur një fustan të zi serioz, të cilin e ka kombinuar me një palë sandale të kuqe.
Në sy bie edhe çanta e saj e madhe mbi tavolinën e punës, në të cilën me siguri moderatorja ka gjithçka që i duhet ndërkohë që dita e saj është e mbushur me angazhime të shumta.
