Aktori i njohur i filmit “Joker” Joaquin Phoenix do të bëhet baba për herë të parë.
Partnerja e tij, Rooney Mara është në pritje të ëmbël. “The Daily Mail” shkruan se Rooney Mara është në muajin e gjashtë të shtatzënisë.
Çifti aktualisht janë duke u izoluar në shtëpinë e tyre në Los Angeles dhe ende nuk e kanë komentuar këtë lajm të bukur.
Partnerja e aktorit të njohur, Mara është fotografuar nga paparacët javën e kaluar, e cila kishte veshur një T-shirt të gjerë, teksa po shkonte në shtëpinë e motrës së saj për të festuar Ditën e Nënës.
Phoenix dhe Mara nisën romancën e tyre në vitin 2016 teksa po xhironin filmin ‘Mary Magdalene’, ndërsa vitin e kaluar në korrik 2019, dyshja celebruan fejesën.
