Banorja e parë e re që iu bashkua kastit të konkurrentëve të këtij edicioni, është Ermiona Lekbello, ish-Miss dhe këngëtare. Ermiona ka marrë 4 herë pjesë në “Festivalin e Këngës”, si dhe ka garuar edhe në “Top Fest” apo “Kënga Magjike”. Ajo është shkëputur prej vitesh nga Shqipëria dhe është nënë e një vajze.
Por, më shumë se karriera e saj, pas hyrjes në “BBV” u rikthye në vëmendje një moment tjetër i jetës së saj. Intervista e Ermionës në “Zonë e Lirë” e dhënë rreth 14 vite më parë, po bën xhiron e rrjetit. Në atë intervistë, këngëtarja ka qenë e hapur dhe shumë provokuese, ku ka shkuar deri aty sa i ka kërkuar Arian Çanit që të kryejnë marrëdhënie seksuale bashkë. Ndër të tjera, Çani i tregonte edhe mesazhet ku të burgosurit i kërkonin që ajo të shkonte tek ata.
Në një dalje të disa viteve më vonë, Ermiona e konsideroi daljen dhe sjelljen e saj si “gafën më të madhe që ka bërë ndonjëherë”. Shpjegimi i saj ishte: “Unë e kam bërë vajzën në një moshë shumë të re. Isha adoleshente kur linda një fëmijë dhe nuk kalova dot periudhën e adoleshencës. Kur kam ardhur te ty, ishte ajo periudha e adoleshencës sime.”
Ermiona shtoi asokohe se në atë periudhë u has me gjëra jo të mira në Shqipëri dhe u largua prej këtej me atë imazh që la në emision, pa pasur mundësi të shpjegohej. Tanimë në “BBV”, publiku do të ketë mundësinë ta njohë më mirë.
Banori i dytë që iu bashkua mbrëmë shtëpisë, Pirro Beati, ka qëndruar më larg vëmendjes mediatike. Ai është fotograf, i cili ka bashkëpunuar me shumë personazhe të njohur shqiptarë.
Në klipin e tij prezantues, ai e cilësoi veten si “të shoqërueshëm dhe njeri që përshtatet shpejt me të tjerë.”
Sa i përket banorëve, ai vlerësoi Maestron, ndërsa tha do kishtë dëshirë të fotografonte Kristin dhe Dean. Me hyrjen e tij, nuk munguan komentet online, me aludime për “misionin” e tij dhe parashikime për lojën e tij në format.
