Kitara e këngëtarit të famshëm, Prince, e cila është përdorur në fund të viteve 1980 dhe në vitet 1990 është shitur në një ankand për 700.000 dollarë.
Shtëpia e ankandit “Julian” ka deklaruar se ky ishte çmimi më i lartë për një kitarë të artistit të ndjerë. Siç ndodh në ankande të tilla blerësi nuk identifikohet.
Vlera e kitarës së tij të kaltër, ‘Cloud’, ishte vlerësuar ndërmjet 60.000 dhe 80.000 dollarë, mirëpo është shitur për një shifër shumë më të madhe. Çmimi i shitjes i ka tejkaluar të gjitha parashikimet .
Krahas kitarës së Prince në këtë ankand janë shitur edhe dorëzat bardhezi të Michael Jacksonit me një vlerë prej 102.000 dollarë.
Ndërsa xhaketa e Jacksonit nga lëkura e gjarprit, të cilën e ka veshur në klipin e këngës “Beat it” është shitur 118.000 dollarë.
Çmimi i MTV-së që dikur e kishte fituar frontmeni i “Nirvana”, Kurt Cobain, është shitur për 62.500 dollarë.
Vargjet e shkruara me dorë nga David Bowie për këngën “Starman” janë shitur për 81.000 dollarë.
