Zendaya po përgatitet të hedhë një hap të ri në karrierën e saj, pas suksesit të serialit të HBO ‘Euphoria’ dhe rolit të saj në filmin e fundit të “Spider-Man” pranë të dashurit Tom Holland. Ylli i Hollywood-it tani po flet për të bërë debutimin e parë të saj si regjisore.
“Është qesharake. Unë në fakt duhej të drejtoja episodin 6, por më pas duhej të aktroja në të”, shpjegoi Zendaya për planet e saj për të drejtuar një episod të serialit hit, duke zbuluar se në sezonin e kaluar ajo “nuk kishte kohë të mjaftueshme”.
Dhe ndërsa “për fat të keq” aktorja “nuk ishte në gjendje këtë herë”, ajo thotë se dëshiron të gjejë kohë për regjinë, pasi sezoni i tretë i shumëpritur i shfaqjes po afrohet shpejt.
“Doja të kisha kohë të mjaftueshme për ta bërë në mënyrën e duhur. Pra, ndoshta sezonin e ardhshëm,” tha Zendaya.
Ylli 25-vjeçar, ka qenë kryefjala e kohëve të fundit për sa i përket zgjedhjeve të saj të përsosura të modës, Zendaya ka pasur mjaft përvojë nga karriera e saj në industrinë e filmit, pasi ka punuar ngushtë me krijuesin e ‘Euphoria’, Sam Levinson dhe regjisorin Denis Villeneuve në “Dune”. Nuk ka dyshim se Zendaya do të bëjë një punë të shkëlqyer si regjisore.
Aktorja më parë foli për një karrierë në muzikë, duke treguar se ndërsa i pëlqen të këndojë, nuk është gati për nivelin e famës që vjen me të qenit një yll pop-i.
