Ai arriti të kthehej shumë shpejt në një prej aktorëve më të dashur për publikun. Ndërsa e nisi fillimisht karrierën në programin “Portokalli”, tashmë Olsi Bylyku është një nga moderatorët e “BE Coffee”.
Nga ana tjetër ai është shumë i rezervuar për të ndarë me ndjekësit detaje nga jeta e tij personale, madje është shprehur shpesh në skeçe se është beqar.
Por ai është fotografuar për herë të parë krah të dashurës, gjatë premierës së filmit “2 gisht mjaltë”.
Fotot e publikuara nga “Panorama Plus” tregojnë aktorin e humorit të kapur për dore me një vajzë brune, e cila quhet Egli dhe ka studiuar për Kanto.
Çifti u shfaq i veshur me një stil “casual”, ndërsa mësohet se kanë disa muaj që janë në një lidhje.
