Justin Timberlake, ylli i muzikës pop veç fansave që mbledh në mbarë botën grumbullon edhe një numër të madh fansash shqiptarë .
Të tillë janë edhe çifti nga Ferizaj e Kosovës, të cilët ishin të pranishëm në koncertin e fundit të Timberlake në Kaliforni.
Madje ata janë argëtuar dhe surprizuar më shumë se sa mendonin, pasi gjatë koncertit këngëtari u afrua pranë tyre gjatë kohës që ata po filmonin performancën e tij, u mori celularin nga dora të filmonte me të.
Çifti janë kënaqur pafund dhe kanë postuar videon në rrjetet sociale duke shkruar :” Në rregull Justin, po të jap telefonin tim”.
Kem Qerimi është fotograf ndërsa partnerja e tij është ndër të paktët shqiptarë që punon si menaxhere në kompaninë “Facebook”.
Burimi: Telegrafi
