Këngëtarja Aurela Gaçe është kaq shumë energjike dhe një artiste shumë e dashur për publikun shqiptar. Së fundmi, ajo ka bërë një “Ask me a question” në Instagram, ku i është përgjigjur ndjekësve të saj.
Mirëpo, dikush e pyet këngëtaren nëse ajo është shtatzënë.
“Je zbukuruar shumë, ndonjë çun apo llafe janë?”, shkruan ndjekësi.
Nga ana tjetër, Aurela ka kthyer përgjigjen duke shkruar: “Më mban burri mirë prandaj. Bukuria është relative, me shije, me momente. Unë ndihem mirë edhe atë e reflektoj. Kaq”.
Në një intervistë që ka dhënë më herët, Aurela ka folur për “Goca dhe Gra” lidhur me koncertet e saj si dhe ka thumbuar brezin e ri.
Aurela tha se ajo bën pompa teksa këndon ndërkohë sot është një brez që di vetëm të kërcejë ‘twerk’ në skenë.
“Bëj pompa në koncert duke kënduar se janë një brez që vetëm bën twerk, mirë bëjnë se e dredhin por janë play back, mirë bëjnë nuk jam kundra, por edhe të këndojnë. Unë që nuk bëj dot twerk se më zuri vonë , unë e bëj për të treguar forcën e gruas e një njeriu që po të dojë gjithçka arrihet. Nuk është kollaj të hidhesh, provoni që të hidheni dy minuta…E nisa me shaka”, tha Aurela.
