Renato Mekolli e nisi karrierën e tij në televizion në vitin 2013 me programin e tij të parë për publikun shqiptar “Shef Renato” në platformën “Tring”, e duket se që në atë kohë as Renato nuk bën dot pa ekranin e as ekrani pa Renaton.
Mësohet se kuzhinieri më i dashur në Shqipëri, do të rikthehet sërish ekranit në një projekt të ri, pas eksperiencës së tij të fundit si anëtar jurie në “MasterChef Albania”. Revista “Bordo” shkruan se bëhet fjalë për një reality show që nuk është tranmetuar më parë në ekranet shqiptare.
“Është një reality show, që do të gozhdojë publikun e gjërë. Programi, sigurisht që ka lidhje me kuzhinën por nuk është si asnjë nga më të ngjashmit.” – është shprehur Mekolli për revistën “Bordo”.
Ndërkohë mësohet se transmetimi nis në muajin shtator por ende nuk është vendosur ekrani ku do të transmetohet.
