Harvey Weinstein është shpallur fajtor në Los Angeles, kësaj here për abuzim seksual ndaj një gruaje.
Thuhet se ai ka joshur gruan në një takim privat e më pas e ka sulmuar. Pretendohet se kështu ka bërë edhe me gra të tjera.
BBC shkruan se fituesi i “Oscar” do të përballet me 24 vite burg.
Jo vetëm kaq por ai po vuan një tjetër dënim. Pikërisht 23 vjet burg pasi u dënua për përdhunim dhe sulm seksual në gjyqin e tij të parë në New York dy vjet më parë.
Pasi u dënua me 23 vite burg ai pati shtrëngime në gjoks dhe kjo bëri që të merrte menjëherë ndihmën e parë.
“Harvey kishte dhimbje të gjoksit dhe stafi i Rikers vendosi që për shkaqe sigurie ta dërgonte përsëri në Bellevue tani. Ai do të kurohet dhe ka të ngjarë ta kalojë natën në spital. Ne e vlerësojmë kujdesin dhe shqetësimin e zyrtarëve dhe stafit të Departamentit të Korrigjimeve”, tha zëdhënësi i tij Juda Engelmayer.
Prej vitesh përflitej për abuzimet seksuale të ish-producentit, mirëpo ai u akuzua publikisht në nëntor të vitit 2017.
Ai akuzohej nga 70 gra dhe prandaj është dënuar për kaq gjatë.
Pas këtij vendimi, ai ka shfaqur probleme serioze me shëndetin dhe mediat e huaja bëjnë me dije se Harvey është dërguar me urgjencë me spital.
