Promoja e sezonit të dytë “The Kardashians” ka treguar detaje rreth fëmijës së dytë të Khloé Kardashian dhe Tristan Thompson, që u majt sekret.
Në promon e re Khloe u shfaqe e përlotur, teksa shprehet se “ka diçka për të cilën është gati të flasë.”
“Tristan dhe unë do të kemi një tjetër fëmijë. Supozohet të jetë një kohë vërtet emocionuese dhe është thjesht një përvojë e vështirë. Kjo ka qenë një kohë e vështirë në jetën time, por është fillimi i diçkaje pozitive, të lumtur dhe të bukur,” vazhdoi ajo.
Nëna e saj, Kris Jenner, u shafq gjithashtu e përlotur në një rrëfim të saj më vonë në trailer.
“Është e vështirë ta shikosh atë me dhimbje,” tha 66-vjeçarja, me sytë e saj të mbushur me lot.
Në korrik u publikua lajmi se Kardashian ishte në pritje të fëmijës së saj të dytë me atletin nëpërmjet një surrogate. Ky është fëmija i katërt i tij.
Çifti ka vajzën True , 4 vjeç, dhe Thompson është gjithashtu babai i djemve Prince , 5 vjeç dhe Theo , 9 muajsh, respektivisht me Jordan Craig dhe Maralee Nichols.
Lojtari i NBA-së solli në jetë djalin me Nichols ndërsa ishte në një lidhje me Khloe, dhe tradhtia e tij u trajtua kur u transmetua sezoni 1 i shfaqjes në ‘Hulu’ në qershor.
Në kohën kur nëna surrogate lindi djalin e tij dhe Khloe, ata ishin ndarë.
Bashkë-krijuesja e “Good American” ende nuk e ka zbuluar emrin e fëmijës së tyre 1-muajsh dhe as nuk ka ndarë foto të tijat në rrjetet sociale, por ajo foli për jetën e saj si nënë e dy fëmijëve në një intervistë të fundit.
“Të jesh në gjendje t’i formosh njerëzit e vegjël në njerëz vërtet të mëdhenj të jashtëzakonshëm është një nder dhe një dhuratë,” i tha ajo ‘Elle’. “E di që është klishe, por më pëlqen gjithçka, madje edhe pjesët e vështira të prindërimit.”
Kardashian shtoi: “Është super e frikshme, por unë e marr shumë seriozisht”.
Ajo dhe Thompson filluan të takoheshin në vitin 2016 dhe janë ndarë për skandale të shumta mashtrimi në të kaluarën.
Basketbollisti i kërkoi falje Kardashian në një postim në Instagram Story të janarit, duke shkruar: “Khloé, ti nuk e meriton këtë. Ti nuk e meriton dhimbjen dhe poshtërimin që të kam shkaktuar.”
